Xəbərlər

NEQSOL Holding Udemy Business ilə tərəfdaşlığa başlayır

NEQSOL Holding öz əməkdaşlarının təlim kurslarına çıxışını təmin etmək məqsədilə “Udemy Business” ilə tərəfdaşlığa başlayıb. Holdinqin rəqəmsal təlim və ünsiyyət platforması olan NEQSOL Academy onlayn “Udemy Business” platformasında ekspertlərin təklif etdiyi 25,000-dən çox təlim kursuna korporativ çıxış təmin edəcək. Biznesdən dizayna, informasiya texnologiyalarından musiqiyə, sağlamlıqdan fərdi inkişafa qədər kateqoriyalarda “Udemy” karyera yüksəlişinə, fərdi və peşəkar inkişafa kömək edən unikal inkişaf imkanları təklif edir.

NEQSOL Holding sosial mediada saxta məlumatlar barədə xəbərdarlıq edir

Son vaxtlar sosial mediada meydana gələn saxta və yalan məlumatlar iddia edir ki, NEQSOL Holding əhalini holdinqin gəlirlərindən yararlanmağa dəvət edir və müxtəlif investisiya imkanları təklif edir. Bu saxta məlumatlar sizi guya holdinqin mənfəət bölüşdürmə və investisiya sxemində iştirak etmək üçün keçidə daxil olmağa sövq edir, lakin əslində bu, zərərli bir fişinq saytıdır.

NEQSOL Holding və Təhsilin İnkişafı Fondu tələbə qızlar üçün təqaüd proqramı elan edir

Təhsilin İnkişafı Fondu və NEQSOL Holding arasında əməkdaşlıq memorandumu imzalanıb. Sənədi Təhsilin İnkişafı Fondunun İdarə Heyətinin sədri Elnur Nəsibov və “NEQSOL Holding Azərbaycan” ofisinin rəhbəri İmran Əhmədzadə imzalayıb. Memorandumun məqsədi təhsil sisteminin inkişafına yönəlmiş proqram və layihələr üzrə əməkdaşlığın qurulması, eləcə də tələbə qızlar üçün uzunmüddətli təqaüd proqramının təsis edilməsi və həyata keçirilməsidir.

NEQSOL Academy holdinqin əməkdaşlarının kibertəhlükəsizlik biliklərini artırmaq üçün Infosec IQ ilə tərəfdaşlıq edir

NEQSOL Academy kibertəhlükəsizlik üzrə təhsil və maarifləndirmə həllərinin aparıcı təchizatçısı olan Infosec IQ ilə strateji tərəfdaşlığa başlayıb. Bu əməkdaşlıq NEQSOL Holding-in işçi qüvvəsinin kibertəhlükəsizlik təhdidləri və ən yaxşı təcrübələri haqqında məlumatlılığını və anlayışını artırmaqla onların kibertəhlükəsizliyə hazırlığını gücləndirmək məqsədi daşıyır.

NEQSOL Holding strateji rəhbərlikdə təyinatları elan edir

NEQSOL Holding Vüqar Səmədlinin Enerji Biznesinin rəhbəri, Kadri Özenin Kommunikasiyalar və Dayanıqlılıq üzrə Baş direktoru, Teymur Tağıyevin isə Aparat rəhbəri təyin edildiyi bəyan edir. Onlar NEQSOL Holding-in Baş direktoru Yusif Cabbarovun rəhbərlik etdiyi idarəetmə komandasına qoşulublar.

AzerTelecom və Kazakhtelecom Transxəzər Fiber-Optik Rabitə Xətti layihəsi çərçivəsində müqavilə imzalayıb

“AzerTelecom” və “Kazakhtelecom” arasında Azərbaycan-Qazaxıstan marşrutu üzrə Xəzər dənizinin dibi ilə Transxəzər Fiber-Optik Rabitə Xəttinin tikintisi və istismarı üzrə birgə müəssisənin yaradılmasına dair Səhmdarlar müqaviləsi imzalanıb. Layihənin mühüm hissəsi olan bu müqavilə onun yekunlaşdırılması istiqamətində tərəflərin birgə səylərini və fəaliyyətlərini əks etdirir.

Nobel Energy və Energetika Nazirliyi 400 MVt gücündə Günəş Elektrik Stansiyasının tikintisinə dair Memorandum imzalayıb

Nobel Energy (NEQSOL Holding-in bir hissəsi) və Azərbaycanın Energetika Nazirliyi Naxçıvanda 400 MVt gücündə günəş elektrik stansiyasının tikintisinə, istehsal ediləcək elektrik enerjisinin Türkiyəyə ixracına və qismən də yerli istifadəsinə dair Anlaşma Memorandumu imzalayıb. Bu əməkdaşlıq dayanıqlı enerji həllərinin inkişaf etdirilməsi və ətraf mühitə nəzarətin təşviqi baxımından mühüm hadisədir.

NEQSOL Holding Türkiyəyə humanitar yardım göstərib

NEQSOL Holding-in qərarı ilə tərkibindəki şirkətlər Türkiyədə güclü zəlzələnin nəticələrinin aradan qaldırılması və Türkiyə xalqına dəstək məqsədilə ümumilikdə 14 milyon TL məbləğində humanitar yardım edib.

Glensol bp şirkətinin mühüm biznes xidmətlərini həyata keçirəcək

Nobel Energy şirkətinin neft-mədən əməliyyatları və avadanlıqlara texniki xidmət üzrə törəmə müəssisəsi olan Glensol məmnuniyyət hissi ilə bildirir ki, bp şirkəti ilə Azərbaycan-Gürcüstan-Türkiyə regionunda qaz turbinlərinə texniki xidmətin göstərilməsinə dair müqavilə imzalamışdır.

“Rəqəmsal İpək Yolu” layihəsi Türk Dövlətləri Təşkilatının diqqət mərkəzində

Avropa ilə Asiya arasında Azərbaycan vasitəsilə rəqəmsal dəhlizin yaranmasını nəzərdə tutan “Rəqəmsal İpək Yolu” (Digital Silk Way) layihəsinin icrasında Türk Dövlətləri Təşkilatına üzv ölkələrin iştirakı 25 oktyabr tarixində Özbəkistanın Səmərqənd şəhərində keçirilmiş təşkilatın İnformasiya və Kommunikasiya Texnologiyaları (İKT) üzrə İşçi Qrupunun 5-ci iclasında müzakirə edilib.

AzerTelecom və Kazakhtelecom TransXəzər layihəsi üzrə strateji tərəfdaşlıq haqqında memorandum imzalayıb

Astana şəhərində baş tutan “Digital Bridge” beynəlxalq texnoloji forum çərçivəsində Azərbaycanın və Qazaxıstanın aparıcı telekommunikasiya şirkətləri “AzerTelecom” və “Kazakhtelecom” Xəzər dənizinin dibi ilə Fiber-Optik Rabitə Xəttinin çəkilməsi layihəsi üzrə strateji tərəfdaşlıq haqqında memorandum imzalayıblar.

NEQSOL Holding Brandon Hall Group Mükəmməllik Mükafatlarına layiq görülüb

NEQSOL Holding beş müxtəlif kateqoriya üzrə nüfuzlu Brandon Hall Group Mükəmməlik Mükafatına layiq görülüb. Mükafat bütün dünya üzrə şirkətləri tətbiq etdikləri proqramların onların əməkdaşlarına və təşkilatlarına ölçülə bilən dəyər gətirmək bacarıqlarına görə qiymətləndirir.

“Rəqəmsal İpək Yolu” layihəsi beynəlxalq diqqət mərkəzində

“Rəqəmsal İpək Yolu” (Digital Silk Way) layihəsi “Dubay Ekspo” ümumdünya sərgisində və “Capacity Middle East 2022” qlobal telekommunikasiya tədbirində təqdim edilib və beynəlxalq marağa səbəb olub. Layihənin məqsədi Azərbaycandan keçməklə Avropa və Asiyanı birləşdirəcək telekommunikasiya dəhlizinin yaradılmasıdır. NEQSOL Holding-in təşəbbüsü ilə AzerTelecom tərəfindən həyata keçirilən layihə Azərbaycanda informasiya texnologiyalarının və rəqəmsal ekosistemin inkişafı, eləcə də ölkənin regionun rəqəmsal mərkəzinə çevrilməsinə xidmət edir.

NEQSOL Holding Azərbaycan vətəndaşlarının Ukraynadan təxliyəsinə dəstəyini şərh edib

KİV-lərdən daxil olan sorğulara cavab olaraq NEQSOL Holding bildirir ki, Ukraynadakı vəziyyətlə əlaqədar holdinq Azərbaycan vətəndaşlarının təxliyəsinə dəstək göstərir. Təxliyə üzrə işlər Azərbaycan Respublikası Xarici İşlər Nazirliyinin himayəsi altında, Ukraynada və qonşu ölkələrdəki Azərbaycan səfirlikləri və konsulluqları, eləcə də Ukraynanın Azərbaycandakı Fəxri Konsulluğu ilə sıx əməkdaşlıq çərçivəsində həyata keçirilir.

NEQSOL Holding-in təşəbbüsü və dəstəyi ilə nüfuzlu Capacity Caucasus & Central Asia 2022 tədbiri keçiriləcək

Bu il Capacity Media öz dünya şöhrətli telekommunikasiya tədbirini NEQSOL Holding-in təşəbbüsü və təşkilati dəstəyi ilə ilk dəfə olaraq Qafqaz və Mərkəzi Asiya regionunda keçirəcək. 21-22 iyun tarixlərində Bakıda keçiriləcək Capacity Caucasus & Central Asia(Capacity Qafqaz və Mərkəzi Asiya) tədbiri qlobal rəqəmsal transformasiya və inkişaf baxımından regionun əhəmiyyətini vurğulayır.

NEQSOL Holding HR peşəkarları üçün Strateji HR Biznes Tərəfdaş Proqramını həyata keçirib

NEQSOL Holding insan resursları (HR) üzrə peşəkarlarının biznesə strateji təsirini artırmaq və daha yaxşı nəticələr əldə etmək üçün Strateji HR Biznes Tərəfdaş Proqramını həyata keçirib. Amerikanın konsaltinq və inkişaf şirkəti olan RBL Group ilə birgə keçirilmiş proqramda holdinqin tərkibindəki şirkətlərdən 40 nəfər HR peşəkarı iştirak edib.

NEQSOL Holding Ukraynanın ən böyük sement istehsalçısının paylarını almaq niyyətini şərh edib

NEQSOL Holding beynəlxalq şirkətlər qrupunun prioritet fəaliyyət sahələrindən biri tikinti materialları sahəsidir. Holdinqin tərkibinə 2013-cü ildə fəaliyyətə başlamış və hazırda Cənubi Qafqazın ən böyük sement istehsalçısı olan Norm sement zavodu daxildir. Beynəlxalq səviyyəli, güclü idarəetmə komandasına malik olaraq, NEQSOL Holding Mərkəzi və Şərqi Avropada sement istehsalı səhəsində aparıcı oyunçu olmaq strategiyasını həyata keçirir.

NEQSOL Holding “Davamçıların Hazırlanması Proqramı”na görə daha bir beynəlxalq mükafata layiq görülüb

NEQSOL Holding “Davamçıların Hazırlanması Proqramı”na görə davamçıların hazırlanması və karyera idarəetmə kateqoriyasında Gold Stevie® Award nüfuzlu beynəlxalq mükafatına layiq görülüb. Proqram yüksək səmərəliliyi qoruyaraq, holdinqin idarəetmə komandası üçün dəyərli, konstruktiv karyera inkişafı imkanlarını və strateji hədəflərinə çatması üçün zəruri istedadların olmasını təmin edir.

Nobel Oil Services Direktorlar Şurasını daha da gücləndirib

Enerji sənayesində geniş fəaliyyət göstərən Nobel Oil Services şirkətlər qrupunun Direktorlar Şurasına yeni üzvlər təyin edilib. Qərara əsasən, cənab James (Jim) Cowie və cənab Richard Duff şirkətin Direktorlar Şurasının tərkibinə daxil olublar.