Vodafone Ukrayna, 42 milyondan çox əhalisi və Şərqdə Avropa İttifaqı ilə həmsərhəd olan Şərqi Avropa ölkəsi Ukraynanın ikinci ən böyük mobil operatorudur.

Şirkətin şəbəkəsinin əhatə dairəsi Ukrayna əhalisinin 99%-nin yaşadığı ölkə ərazisinin 98%-ni təşkil edir. Şirkət 5 qitədə 20 milyon abunəçi üçün GSM-900/1800, UMTS, LTE-1800/2600 standartlarına uyğun mobil rabitə xidmətləri, beynəlxalq rouminq və sabit rabitə xidmətləri göstərir.

Vodafone Ukrayna, Ukraynada simsiz telekommunikasiya texnologiyasını tətbiq edən ilk mobil operatordur. 1992-ci il noyabrın 11-də "Ukrainian Mobile Communications" (UMC) adı ilə yaradılan şirkət 1993-cü il iyulun 1-dən mobil rabitə xidmətləri göstərməyə başlayıb. 2015-ci ildə şirkət Avropanın və dünyanın ən böyük telekommunikasiya operatorlarından biri olan Vodafone Group ilə strateji tərəfdaşlıq müqaviləsi imzalayıb və Ukrayna bazarında qlobal Vodafone brendi altında fəaliyyət göstərməyə başlayıb.

Şirkət Ukrayna iqtisadiyyatına ən çox sərmayə qoyan investorlardan biridir. Son beş ildə onun ölkəyə yatırdığı investisiyaların ümumi həcmi 25 milyard Qrivnanı (təxminən 1 milyard ABŞ dolları) ötüb. İnvestisiyalar əsasən infrastrukturun və yeni texnologiyaların inkişafına yönəldilib və Vodafone-un yerli bazarda texnologiyalar üzrə liderliyə nail olmasına imkan yaradıb. Şirkət öz müştərilərinə 3G və 4G bazasında ən yüksək dünya standartlarına cavab verən zəng və məlumat ötürmə xidmətləri təqdim edir.

Vodafone Ukrayna innovasiyalar üzrə liderdir və Vodafone-un qlobal platformalarına, qabaqcıl həllərinə və digər bazarlardakı təcrübələrinə çıxış imkanı sayəsində Ukraynada fəaliyyət göstərən ən böyük yerli və beynəlxalq şirkətlərə eksklüziv xidmətlər göstərir.

Son illərdə şirkətin fəaliyyəti ənənəvi telekommunikasiya xidmətlərindən xeyli kənara çıxır. Vodafone Ukrayna yeni 4G texnologiyasına əsaslanan xidmətlərin işə salınması üçün platforma yaradıb: Əşyaların interneti (IoT), texnologiyalar və "Ağıllı Şəhər" üçün həllər, Big Data analitikası, Bulud xidmətləri, Mobil İD, Maliyyə texnologiyaları (Fintech) xidmətləri və s.

2017-ci ilə qədər şirkətin bütün əməliyyatları bir şirkət daxilində cəmləşmişdi. Lakin yeni sahələrə daxil olmaqla, o, hamısı telekommunikasiya və İT sahəsi ilə əlaqəli olan bir neçə biznes portfelinə malik olan bir şirkətə çevrildi. Vodafone Ukrayna müvafiq olaraq 2017-ci ilin iyul və dekabr aylarında təsis edilmiş VF Retail və IT SmartFlex şirkətlərinin ana şirkəti oldu.

Məsuliyyətli və dayanıqlı fəaliyyət Vodafone Ukrayna üçün vacibdir. Şirkət öz biznesini beynəlxalq standartlara uyğun sosial məsuliyyətli və etik qaydada aparır. O, təhsil, tibb və yerli sosial infrastrukturun inkişafı sahələrində sosial sektorda öz texnologiyalarını və "ağıllı" həllini inteqrasiya edərək yerli icmaların inkişafına töhfə verir.

Vodafone Ukrayna haqqında əsas faktlar

• Şəbəkənin əhatə dairəsi artıq Ukrayna əhalisinin 99%-nin yaşadığı ölkə ərazisinin 98%-ni təşkil edir.
• 2015-ci ilin sentyabrında istifadəyə verilən 3G
• 2018-ci ilin martında istifadəyə verilən 4G
• 20 milyon abunəçi
• 12 milyon data abunəçisi, 5 milyon 4G abunəçisi
• 3G/4G şəbəkələrinə investisiyaların ümumi həcmi - 25 milyard qrivnadan çox

Daha ətraflı məlumat üçün www.vodafone.ua saytına daxil olun.